తెలంగాణ స్టేట్ బడ్జెట్లో హైలేట్స్

Posted on : 15/03/2018 12:31:00 pm

తెలంగాణ ఆర్థిక మంత్రి ఈటల రాజేంద ర్రాష్ట్ర వార్షిక బడ్జెట్ 2018-19ని శాసనసభలో ప్రవేశపెట్టారు. తెలంగాణ ప్రభుత్వం 1,74,453 కోట్ల బడ్జెట్‌ను కేటాయించింది. అనంతరం బడ్జెట్ ప్రసంగాన్ని ప్రారంభించారు. రెవెన్యూ వ్యయం రూ.1,25,454 కోట్లుగా ఉందని ఆర్థిక మంత్రి వెల్లడించారు. రాష్ట్ర ఆదాయం రూ.73,751 కోట్లని తెలిపారు. దీనిలో కేంద్ర వాటా రూ. 29,041 కోట్లని పేర్కొన్నారు. ఈటల బడ్జెట్‌ను ప్రవేశపెట్టడం ఇది ఐదోసారి. రానున్న సాధారణ ఎన్నికలకు ముందు సీఎం కేసీఆర్ సర్కార్ ప్రవేశపెడుతున్న పూర్తిస్థాయి చివరి బడ్జెట్ ఇదే కావడంతో సర్వత్రా ఆసక్తి నెలకొంది. ఏయే రంగాలకు ఎంతెంత కేటాయింపులు జరిగాయనేది ఒకసారి పరిశీలిద్దాం..

ఈటల రాజేందర్ బడ్జెట్ ప్రసంగం
# తెలంగాణ రాష్ట్ర మొత్తం బడ్జెట్ రూ. 1,74,453 కోట్లు
# రెవెన్యూ వ్యయం రూ. 1,25,454 కోట్లు, రెవెన్యూ మిగులు అంచనా రూ. 5,520 కోట్లు
# రాష్ట్ర ఆదాయం రూ. 73,751 కోట్లు
# కేంద్ర వాటా రూ. 29,041 కోట్లు

# ద్రవ్య లోటు అంచనా రూ. 29,077 కోట్లు
# రాష్ట్ర జీడీపీ ఏటేటా పెరుగుతోంది. ఈ ఏడాది రాష్ట్ర జీడీపీ 10.4 శాతంగా ఉంటుందని అంచనా
# గతేడాది తలసరి ఆదాయం రూ. 1,75,534 కోట్లు
# స్థూల ఉత్పత్తిలో గణనీయ ప్రగతి సాధించాం
# నాలుగేళ్ల ప్రయాణంలో ఎన్నో మైలురాళ్లు అధిగమించాం. ఐదో సారి బడ్జెట్ ప్రవేశపెట్టడం సంతోషంగా ఉంది.
# డబుల్ బెడ్ రూం ఇళ్లకు రూ. 2,643 కోట్లు
# నీటిపారుదల రంగానికి రూ. 25 వేల కోట్లు
# పంటల పెట్టుబడి మద్దతు పథకానికి రూ. 12 వేల కోట్లు
# రైతు బీమా పథకానికి రూ. 500 కోట్లు
# వ్యవసాయ యాంత్రీకరణకు రూ. 522 కోట్లు, బిందు తుంపర సేద్యం రూ. 127 కోట్లు
# పౌరసరఫరాల శాఖకు రూ. 2946 కోట్లు
# కళ్యాణలక్ష్మి, షాదీముబారక్‌కు రూ.1,450 కోట్లు
# మహిళా శిశుసంక్షేమానికి రూ. 1,799 కోట్లు
# కొత్త పారిశ్రామిక విధానంతో పెట్టుబడుల ఆకర్షణ
# వ్యవసాయంలో దేశానికే తెలంగాణ ఆదర్శం
# 2018-19 నుంచి రైతుకు ఎకరాకు రూ.8వేల పెట్టుబడి
# రైతు పెట్టుబడి సాయానికి రూ. 12వేల కోట్ల కేటాయింపు
# 100 రోజుల్లోనే భూరికార్డుల ప్రక్షాళన చేశాం.
# త్వరలో ధరణి వెబ్‌సైట్‌ను ఆవిష్కరిస్తాం.
# గ్రామీణ సంస్థలకు రూ. 1500 కోట్లు.. పట్టణాభివృద్ధికి రూ. 1,000 కోట్లు
# మిషన్ కాకతీయకు రూ. 25 వేల కోట్లు
# పాలీ హౌస్, గ్రీన్ హౌస్‌కు రూ. 120 కోట్లు
# బిందు తుంపర సేద్యానికి రూ. 127 కోట్లు
# మున్సిపాలిటీలు, కార్పోరేషన్లకు రూ. 1,000 కోట్లు
# దళితుల భూ పంపిణీకి రూ. 1469 కోట్లు
# పాఠశాల విద్యకు రూ. 10,830 కోట్లు.. గురుకులాలకు రూ. 2,823 కోట్లు
# పరిశ్రమల శాఖకు రూ. 1,286 కోట్లు.. పురపాలక శాఖకు రూ. 7,251 కోట్లు
# మైనారిటీల సంక్షేమానికి రూ. 2,500 కోట్లు
# వైద్య, ఆరోగ్యశాఖకు రూ. 7,375 కోట్లు
# అమ్మ ఒడి పథకానికి రూ.561 కోట్లు
# పంచాయతీరాజ్, గ్రామీణాభివృద్ధికి రూ.15,563 కోట్లు
# మిషన్ భగీరథకు రూ. 1,081 కోట్లు
# వరంగల్‌ కార్పోరేషన్‌కు రూ.300 కోట్లు.. మిగతా కార్పోరేషన్లకు రూ.400 కోట్లు
# యాదాద్రి అభివృద్ధికి రూ. 250 కోట్లు
# వేములవాడ ఆలయ అభివృద్ధికి రూ. 100 కోట్లు
# భద్రాచలం ఆలయ అభివృద్ధికి రూ. 100 కోట్లు
# బాసర, ధర్మపురి ఆలయాలకు రూ. 50 కోట్ల చొప్పున కేటాయింపు
# వెనుకబడిన తరగతులకు రూ. 5,925 కోట్లు
# ఎస్టీల అభివృద్ధికి రూ. 8,063 కోట్లు.. ఎస్సీల సంక్షేమానికి రూ. 12,790 కోట్లు
# వ్యవసాయ, మార్కెట్ రంగాలకు రూ.15,780 కోట్లు
# ఎస్సీ ప్రగతి నిధికి రూ. 16,453 కోట్లు.. ఎస్టీ ప్రగతి నిధికి రూ. 9,693 కోట్లు
# రోడ్లు, భవనాల శాఖ (ఆర్ అండ్ బీ)కి రూ. 5,573 కోట్లు
# విద్యుత్ రంగానికి రూ. 5,650 కోట్లు
# కోల్డ్ స్టోరేజ్‌ల నిర్మాణానికి రూ. 132 కోట్లు
# మన రాష్ట్రం ఎగ్ బాస్కెట్ ఆఫ్ ఇండియా. కోడి మాంసం ఉత్పత్తిలో దేశంలోనే మన రాష్ట్రం అగ్రగామి: ఈటెల
# కోళ్ల పరిశ్రమ అభివృద్ధి కోసం రూ. 109 కోట్లు
# ఐటీ శాఖకు రూ. 289 కోట్లు
# సాంస్కృతిక శాఖకు రూ. 58 కోట్లు
# నూతన పారిశ్రామిక విధానంతో తయారీరంగంలో 6.4 శాతం వృద్ధి
# విద్యుత్ రంగంలో వృద్ధి వల్ల వ్యవసాయ సాగు పెరిగింది.
# 24 గంటల విద్యుత్ సరఫరాతో వ్యవసాయ అభివృద్ధి గణనీయంగా ఉంది.