అన్న సిఎం కుర్చీలో.... చెల్లి చాయ్ దుకాణంలో

Posted on : 21/03/2018 03:51:00 pm

ఒక రాజకీయనాయకుడి పరిచయం ఉంటేనే అతని పేరు చెప్పుకునో లేక అతని పలుకబడిని ఉపయోగించుకొనో, అతని సహాయ సహకారాలతో ఆ ఇంట్లోవాళ్లు, వాళ్లతో పాటు బంధుగణం, స్నేహితులు వీరంతా ఎలాగొలా పైకొచ్చి సమాజంలో గౌరవస్థానాల్లో ఉండడం జరుగుతుంది. అటువంటిది అన్న ఒక రాష్ట్రానికి ముఖ్యమంత్రి అయ్యుండి కూడా చెల్లెలు టీ కొట్టుతో కుటుంబాన్ని పోషించుకుంటోంది. వివరాల్లోకి వెళితే..  ఆ అన్న ఉత్తరప్రదేశ్ రాష్ట్రానికి ముఖ్యమంత్రి యోగి ఆదిత్యనాథ్ కాగా చెల్లెలు ఉత్తరాఖండ్ రాష్ట్రంలోని కోఠార్ అనే చిన్న గ్రామంలో చిన్నపాటి టీ దుకాణం నడుపుతూ కుటుంబాన్ని పోషించుకుంటున్న శశిపాయల్. పార్వతి మందిరం సమీపంలో తన భర్త పూరన్‌సింగ్‌తో పాటు ఈ దుకాణం నిర్వహిస్తున్నారు. 

 దుకాణంలో పూజా సామగ్రి కూడా విక్రయిస్తుంటారు. ఓ సందర్భంగా శశిపాయల్ మాట్లాడుతూ తన అన్న ముఖ్యమంత్రి అనిగాని, తన అన్న వద్దకు వెళ్లి సహాయం పొందాలన్న ఆలోచనగాని తనకు లేవని తెలిపారు. తన అన్నచిన్నతనంలో ఉండగా  పెద్దయ్యాక అందరికీ సేవచేస్తాననే వాడని ఇపుడు అది నిజమయిందని గుర్తు చేసుకున్నారు. తన అన్నకు రాఖీ కట్టి 23 ఏళ్లు అయ్యాయని తెలిపారు. కాగా యోగి తన రాజకీయ వ్యవహారాల్లో కుటుంబ సభ్యులకు ఏమాత్రం స్థానం కల్పించలేదు. ఇదే విషయాన్నిసీఎం అఖిలేష్ పాలన, యోగి పాలనల మధ్య తేడాలను జనం బేరీజు వేసుకుంటున్నారు.