హిట్ టాక్ ను సొంత చేసుకున్న రంగస్థలం

Posted on : 30/03/2018 12:35:00 pm

అత్యంత ప్రతిష్టాత్మక సినిమాగా భారీ బడ్జెట్ తో గ్రామీణ నేపథ్యంతో తెరకెక్కిన సినిమా రంగస్థలం. భారీ అంచనాల మధ్య ఈ సినిమా నేడు ప్రపంచ వ్యాప్తంగా రిలీజు అయ్యింది. ఈ రిలీజైన ఈ సినిమా హిట్ టాక్ ను సొంతం చేసుకున్నట్లు తెలుస్తోంది. సుకుమార్ దర్శకత్వం వహించిన ఈ సినిమాని మైతి మూవీ మేకర్స్ వారు నిర్మించారు. మెగా పవర్ స్టార్ రామ్ చరణ్ హీరోగా, సమంత హీరోయిన్ గా అద్భుతంగా నటించారంటున్నారు. కీలక పాత్రల్లో జగపతిబాబు, ఆది పినిశెట్టి బాగా నటించగా, రంగమ్మత్త పాత్ర ఓ సర్ ప్రైజ్ గా ఉందని టాక్. దేవీ శ్రీ ప్రసాద్ సంగీతం అందించిన సంగీతం ఈ సినిమాకి ప్లస్ పాయింట్ గా చెబుతున్నారు. 

ఇక హైదరాబాద్ లోని పలు థియేటర్ల వద్ద అభిమానులతో కిటకిటలాడుతున్నాయి. అభిమానుల సందడి అంతాఇంతా కాదు. నగరంలోని 150 స్క్రీన్లలో సినిమా ప్రదర్శింపబడుతోంది. వరుసగా సెలవ దినాలు కావడంతో ఉభయ తెలుగు రాష్ట్రాలలోని థియేటర్లు పండుగ వాతావరణాన్ని తలపిస్తున్నాయి. శుక్రవారం, శని, ఆది వారాల్లోనూ సీట్లన్నీ బుక్ అయిపోయినట్లు వెబ్ సైట్స్ ద్వారా తెలుస్తోంది. సినిమా చూసిన కొంతమంది అభిమానులు సోషల్ మీడియా ద్వారా వారి అభిప్రాయాలు ప్రకటిస్తున్నారు. 

ఫస్ట హాఫ్ అదిరిపోయిందని, సెకండ్ ఆఫ్ కాస్త లెన్తీగా అనిపించదని అంటున్నారు. ఈ సినిమాకు అన్ని చోట్ల నుండి మంచి రెస్పాన్స్ వస్తోందని తెలుస్తోంది. యూఎస్ఏలో కొన్ని గంటల ముందే ప్రీమియర్ షోలు మొదలవ్వగా, ఉభయ తెలుగు రాష్ట్రాలలో ఈ రోజు ఉదయం 5 గంటలకు బెనిఫిట్ షోలు వేశారని సమాచారం.