కన్నాలక్ష్మీనారాయణ పార్టీ వీడనున్నారా?

Posted on : 22/04/2018 03:35:00 pm

మాజీ మంత్రి, బీజేపీ నేత కన్నా లక్ష్మీనారాయణ పార్టీ మారబోతున్నారంటూ వార్తలు వస్తున్నాయి. పార్టీలో తనకు తగిన ప్రాధాన్యత లేకపోవడం, అధ్యక్ష పదవి కూడా తనకు దక్కదని దాదాపు తెలియడంతో తీవ్ర నిరాశకు గురైన కన్నా వైసీపీలో చేరతారని టాక్. ఇదే నిజమైతే ఈ రోజు సాయంత్రం ఆయన పెదకూరపాడు నియోజకవర్గ నేతలతో కూడా సమావేశం కాబోతున్నారని, కన్నా పార్టీ మారేందుకు దాదాపు రంగం సిద్ధమైందని, గుంటూరు జిల్లాలో భారీగా ప్రచారం జరుగుతోన్ననేపథ్యంలో ఆయన వైసీపీ ముఖ్య నేతలతో టచ్‌లో ఉన్నట్లు తెలుస్తోంది. కన్నాపార్టీ మారేందుకు అధిష్టానం తీసుకున్న నిర్ణయమే కారణమం. 

ఇటీవలే బీజేపీ అధ్యక్ష పదవికి హరిబాబు రాజీనామా చేయగా, ఆ అధ్యక్ష పదివికిగాను అధిష్టానం పరిశీలించిన రాష్ట్ర బీజేపీ నేతల పేర్లలో మాణిక్యాలరావు, సోము వీర్రాజు, కన్నా పేర్లు ఉన్నట్లు ప్రచారం జరగడంతో పదవిపై ఆశ పెట్టుకున్నారు. అయితే అధిష్టానం అధ్యక్షుడిగా సోము పేరు దాదాపు ఖరారైనట్లు ప్రచారం జరిగడంతో కన్నా పార్టీ మారే ఆలోచనలో ఉన్నట్లు తెలుస్తోంది. రాష్ట్ర విభజన అనంతరం కాంగ్రెస్‌ నుంచి బిజెపిలో చేరిన ఆయన ఆశించిన స్థాయిలో తనకు గుర్తింపు దక్కలేదన్న అసంతృప్తితో ఉన్నట్లు సమాచరం.