మూడు పాత్రల్లో మహేశ్!

Posted on : 06/12/2018 01:46:00 pm


‘భరత్ అనే నేను’ చిత్రంతో ప్రేక్షకుల ముందుకొచ్చారు సూపర్‌స్టార్ మహేశ్‌బాబు. తొలిసారిగా ముఖ్యమంత్రి పాత్రలో కనిపించిన మహేశ్‌ను చూసి అభిమానులు మైమరచిపోయారు. ఆ సినిమా ఇచ్చిన ఉత్సాహంతో తన 25వ సినిమాకు సిద్ధమైపోయారు. ఈ చిత్ర షూటింగ్ శరవేగంగా జరుగుతోంది. 

ఈ చిత్రానికి ‘మహర్షి’ అనే టైటిల్ ఖరారు చేశారు. మహేశ్ బర్త్‌డే సందర్భంగా ఆగస్టు 9న ఫస్ట్‌లుక్ టీజర్‌ విడుదల చేశారు. ఈ టీజర్‌లో మహేశ్ స్టూడెంట్ పాత్రలో గడ్డంతో కనిపించారు. గత చిత్రాలకు భిన్నంగా మహేశ్ పాత్ర ఉండబోతోందని యూనిట్ ఫస్ట్‌లుక్ ద్వారా సంకేతాలిచ్చింది. అయితే ఈ చిత్రానికి సంబంధించి ఓ వార్త ఫిల్మ్ నగర్లో హల్‌చల్ చేస్తోంది. అదేంటంటే ఈ సినిమాలో మహేశ్‌బాబు మూడు విభిన్న పాత్రలో కనిపించనున్నారట. స్టూడెంట్, సీఈవో, రైతు పాత్రల్లో సూపర్‌స్టార్ సందడి చేయనున్నారని టాలీవుడ్ వర్గాలు చెబుతున్నాయి. ఈ చిత్రంలో రైతు పాత్ర కీలకంగా ఉంటుందని తెలుస్తోంది. ప్రస్తుతం దీనికి సంబంధించి సన్నివేశాలు హైదరాబాద్‌లో వేసి సెట్‌లో షూట్ స్తున్నారట. మహేశ్ ఓ పాత్రలో కనిపిస్తేనే బాక్సాఫీసు బద్దలైపోతుంది. మరి మూడు పాత్రలంటే అభిమానులతో పాటు ప్రేక్షకులకు బంపరాఫర్ కిందే లెక్క.