స్టార్ హీరోయిన్లని వదిలేసి లక్ష్మీతో ఎన్టీఆర్ ‘ఎందుకు’?

Posted on : 08/01/2019 09:10:00 pm


ఎన్టీఆర్.. ఎన్టీఆర్.. ఎన్టీఆర్.. జయసుధ, జయప్రధ, శ్రీదేవి.. క్రిష్ణకుమారి, అంజలీదేవి, సావిత్రి వీళ్లందరినీ వదిలే ఆ లక్ష్మీ పార్వతిని ఎందుకు.. ఎందుకు.. ఎందుకు? అంటూ వివాదాల దర్శకుడు ‘లక్ష్మీస్ ఎన్టీఆర్’ మూవీ నుండి సెకండ్ సాంగ్‌ను విడుదల చేశారు. ‘ఎందుకు ఎందుకు’ అంటూ సాగిన ఈ పాటలో ఎన్టీఆర్ జీవితంలో లక్ష్మీ పార్వతి కీలకఘట్టాలను ప్రస్తావించారు. 

ఈ పాటలోని ప్రశ్నల వెనుక అబద్ధాలుగా చలామణీ అవుతున్న నిజాలని.. నిజాలుగా మసి పూసుకున్న అబద్ధాలను బండకేసి ఉతికేయడమే మా ‘లక్ష్మీస్ ఎన్టీఆర్’ ధ్యేయం. 20 సంవత్సరాలుగా నిజానికి అబద్ధం అనే బట్టలు తొడిగి వీధుల వెంట తిప్పుతున్న వెన్నుపోటు దారుల బట్టల్ని ప్రజలందరి ముందర చింపి అవతల పారేసి నిజం బట్టల్ని ఒక్కొక్కటీ మెల్లగా విప్పి.. దాన్ని పూర్తి నగ్నంగా చూపించడమే ‘లక్ష్మీస్ ఎన్టీఆర్’ ఉద్దేశం అంటూ రామ్ గోపాల్ వర్మ ఈ పాటలో వాయిస్ ఓవర్ అందించడం సంచలనంగా మారింది. ఈ పాటకు కళ్యాణ్ మాలిక్ సంగీతం అందించడంతో పాటు శ్రీక్రిష్ణతో కలిసి ఆలపించారు. శిరి శ్రీ లిరిక్స్ అందించారు.