కత్తి మహేష్ శవయాత్ర :టచ్ ఎఫెక్ట్

Posted on : 06/02/2018 11:57:00 pm

కత్తి మహేష్ వర్సెస్ పవన్ కళ్యాణ్ ఫ్యాన్స్ అనేది నిన్నటి మాట. కత్తి మహేష్ వర్సెస్ రవితేజ ఫ్యాన్స్ అనేది నేటి వివాదం. అవును... ఇటీవల విడుదలైన రవితేజ 'టచ్ చేసి చూడు' సినిమాను టచ్ చేయకపోతేనే బెటర్ అని మహేష్ కత్తి రివ్యూ చెప్పడంతో రవితేజ అభిమానులు రెచ్చిపోయారు. మహేష్ కత్తికి ఆన్ లైన్లో శ్రద్ధాంజలి ఘటించడంతో పాటు అతడికి శవయాత్ర నిర్వహించినట్లు ఫోటోలు క్రియేట్ చేసి ట్రోల్ చేస్తున్నారు.

రవితేజ అభిమానులు అలా చేయడంపై మహేష్ కత్తి ఓ టీవీ ఛానల్ చర్చా కార్యక్రమంలో స్పందిస్తూ... ఒక సినిమా అంటే హీరో కాదు, సినిమా సినిమానే. హీరో అనే వ్యక్తి ఒక పాత్ర మాత్రమే వేస్తాడు. ఆ పాత్రకు తగిన కథ ఉందా లేదా? డైరెక్షన్ సరిగా చేశాడా లేదా? ఇతర టెక్నికల్ అంశాల గురించి ఓవరాల్‌గా విశ్లేషించడమే సినిమా రివ్యూ అని తెలిపారు.
ఒక సినిమా ప్లాప్ అయిందంటే కారణం కథే. అలాంటి కథ ఎన్నుకుంటాడు కాబట్టి దానికి బాధ్యత కూడా హీరోనే వహించాల్సి ఉంటుంది. సినిమా బాగోలేకుంటే రివ్యూవర్ బాగా లేదనే చెబుతాడు. ఇక్కడ అభిమానులు అనాల్సింది నన్ను కాదు... అలాంటి కథ ఎన్నుకున్న హీరోనే అని కత్తి మహేష్ తెలిపారు.

మేము ఇచ్చే రివ్యూలు.... సినిమా ఫేట్‌ను, బాక్సాఫీసు కలెక్షన్లను మార్చలేవు. ప్రేక్షకుడికి నచ్చితే సినిమా చూస్తాడు. ఒక వేళ సినిమా బావుంటే మా రివ్యూలు నెగెటివ్ గా ఉన్నా సినిమా విజయాన్ని ఎవరూ అడ్డుకోలేరు. అదే సమయంలో దమ్ములేని సినిమాలను విజయ పథంలో నడిపంచనూ లేవు అని మహేష్ కత్తి తెలిపారు. రాజా ది గ్రేట్ చిత్రం బావుందని రివ్యూ చెప్పాము... అది వాస్తవం కాబట్టే సినిమా హిట్టయిందని మహేష్ కత్తి తెలిపారు.